A Carballeira da Cernada é, dentro do monte veciñal, un dos espazos ecolóxicamente mellor conservados. Trátase dun bosque de carballos ( Q. robur) de aproximadamente 2.5 hectáreas de superficie con pés illados de P.pinaster. Atópase preto do Castro de Xián e debuxa sobre o terreo o que deberon ser no seu día as grandes carballeiras de Vincios.

No ano 2010 fíxose con empresa Hifas da Terra un proxecto de micorrización en toda a carballeira.

Para chegar a ela subes por unha pista empedrada a pé, que é mostra da cantería tradicional presente nos camiños da parroquia moitos deles asociados a estracción de pedra en canteiras artesanais.