Ruta GR53 Panorámica de Vigo

Ruta GR53 Panorámica de Vigo / Cartografías Sensibles

Detalles do proxecto

Longo percorrido que ofrece un punto de vista diverso da cidade de Vigo
Este itinerario bordea os límites do municipio vigués pola súa vertente montañosa, ofrecendo vistas sorprendentes sobre a cidade e a súa ría. É un percorrido deseñado para achegar a xente desta grande urbe ao medio natural que se estende a poucos metros das súas casas. Localizáronse unha serie de parques forestais en parroquias do Concello de Vigo que, provistos de todo o necesario para o esparexemento e o descanso, determinan o masivo éxito deste sendeiro durante a fin de semana. Pero tamén hai lugar para a Historia: os petróglifos de Fragoselo, os dolmens da zona do Mercantil e os restos da antiga muralla defensiva do monte O Galiñeiro. Arquitectura rural en Chandebrito e A Fraga, o fermoso emprazamento do muíño das Maquías no río Zamáns, bosques autóctonos e todo este contorno natural lonxe do ruído da cidade, convérteno nun sendeiro moi atractivo e transitado.

Dificultade: Media
Acceso en bicicleta: Apto parcialmente
Acceso a cabalo: Apto totalmente
Punto de partida/chegada: A Madroa (Vigo). | Saiáns (Vigo)
Percorrido: Saiáns, A Garrida, Puxeiros e A Madroa.
Conexións: Cos PR-G 1, 5, 9 e cos GR 58 e 94.
Lonxitude: Lonxitude (Km.): 58,2 | O sendeiro principal ten 39,9 km e as variantes GR 53.1 e 53.2 esténdese por 8,1 e 10,2 km de lonxitude respectivamente.
Duración: Duración (horas): 19 | É un percorrido moi longo, polo que se recomenda executalo en varias xornadas. Conta con numerosas subidas e baixadas pero de trazado bastante suave.
Material: Se a intención é facer todo o sendeiro nunha fin de semana, será necesario levar suficiente equipo. A auga é bastante frecuente ó longo do percorrido.
Servizos: Aprovisionamento nos núcleos de poboación que circundan Vigo.

Turgalicia. GR53 Panorámico de Vigo <http://www.turgalicia.es/ficha-recurso?langId=gl_ES&cod_rec=33778&ctre=…;







En bus urbano chégase a Saiáns, A Garrida, Universidade, Rebullón, aeroporto e A Madroa. En Saiáns parte da igrexa de San Xurxo. Na Madroa parte fronte ao zoolóxico. Interese paisaxístico
Este itinerario bordea os límites do municipio vigués pola súa vertente montañosa, ofrecendo vistas sorprendentes sobre a cidade e a súa ría.
É un percorrido deseñado para achegar a xente desta grande urbe ao medio natural que se estende a poucos metros das súas casas. Localizáronse unha serie de parques forestais en parroquias do Concello de Vigo que, provistos de todo o necesario para o esparexemento e o descanso, determinan o masivo éxito deste sendeiro durante a fin de semana.
Pero tamén hai lugar para a Historia: os petróglifos de Fragoselo, os dolmens da zona do Mercantil e os restos da antiga muralla defensiva do monte O Galiñeiro.
Arquitectura rural en Chandebrito e Fraga, o fermoso emprazamento do muíño das Maquías no río Zamáns, bosques autóctonos e todo este contorno natural lonxe do ruído da cidade, convérteno nun sendeiro moi atractivo e transitado.Turgalicia. GR53 Panorámico de Vigo <http://www.turgalicia.es/ficha-recurso?langId=gl_ES&cod_rec=33778&ctre=…;
Cartografías