Esta plantación e un dos espazos máis tranquilos e interesantes do noso monte, zona de paso de gando en estado semi salvaxe dende a cal teñense unhas estupendas vistas da Bahía de Baiona do Val miñor e mási aló da Ría de Vigo. A 70 metros do poste que conten o código Qr no monte dirección sur, camiño da Entidade local menor de Morgadáns e seguindo a pista, a pé, atópase a parcela chamada Pedrafina.

Todo parece indicar que o nome de Pedrafina, provén da cualidade da pedra extraída das canteiras artesanais que existían nesa zona. Esta plantación está próxima a camiños principais, pero pola súa localización pasa desapercibida de xeito habitual. E o linde natural con Morgadáns que ven marcado polo regato que fai divisoria.

No ano 2008 fíxose unha repoboación de 3 has de castiñeiros que quedou arrasada polo lume do ano 2017 cando as árbores xa estaban perfectamente asentadas no terreo. Tras o  lume, a supervivencia foi menor ao 50%, e aquelas que o conseguiron foi a través dos gomos das cepas. A presión do gando en extensivo fixo necesario o peche da parcela para garantir a supervivencia das mesmas. No ano 2021 pechouse o perímetro quedando a superficie final en 2.5 hectáreas. Tamén se plantaron 20 pés de nogueira e nos vindeiros anos a intención é repoboala de novo completamente.

Está plantación  ten unha función absolutamente imprescindible xá que dentro da mesma atópanse os olleiros que levan auga á Parroquia de Chaín.