Un dos ditos que marca o xeito de entender o monte desta Comunidade é a frase "Cada cousa no seu sitio", e así debe ser. Hai algunhas especies no monte que teñen moita facilidade para expandirse, e están no rexistro de especies invasoras como son a Acacia negra( A. mealnoxylon) ou a Herba da pampa (Cortaderia selloana) presentes nos nosos montes competindo en vantaxe coas especies elixidas para as repoboacións dado o seu rápido carácter reproductivo e adaptativo. Outra especie que nos está a xerar moitos problemas pola súa extensión e abundancia é o E. globulus, que aínda que non aparece no rexistro de especies invasoras estanos a colonizar con moita forza zonas que antes estaban dedicadas a piñeiro ou frondosas ou mesmo monte baixo. Isto foi así dende os lumes do 2017 onde se chegaron a facer contas de mais de 100 pés de eucalipto propagados por semente en cada metro cadrado.

Este proxecto en concreto precisa da colaboración de todos os entes sociais, e de xeito constante no tempo, xa que o que se pretende é controlalas ou erradicalas sen o uso de herbicidas químicos que degraden a terra e os olleiros que dan de beber a moitas persoas.