cartografias_sensibles_vincios_gondomar_monte_recursos_repoboacion_reforgal_0461

Proxecto REFORGAL

Proxecto que pretende unha innovación ecotecnolóxica nos métodos de reconversión de ecosistemas forestais a través da plantación de 3ha de madeiras nobres

Este proxecto forma parte do Programa sectorial de Medio Rural, co fin de fomentar a diversificación e aumento da calidade da producción forestal, mellorando as técnicas de xestión forestal. As extensas repoboacións con especies de crecemento rápido, piñeiro e eucalipto, realizadas no século pasado contribuíron ao empobrecemento da diversidade biolóxica e da paisaxe. Hoxe, estas superficies con obxectivos unicamente madeireiros, sitúanse por debaixo do umbral de rendibilidade.
O fomento das plantacións extensivas de especies frondosas cadufolias (PFC) de madeiras nobres, como poden ser o carballo o castiñeiro a cerdeira ou a nogueira, é moi interesante xa que presentan unha alta rendibilidade económica pola crecente demanda de madeiras de alta calidade a nivel mundial.
Na realización deste proxecto leváronse a cabo:
- Técnicas avanzadas de eliminación de eucalipto para determinar a viabilidade dunha reconversión forestal, é dicir, adaptar unha paisaxe de plantacións arbóreas perennes (eucalipto e piñeiro) en caducifolias (carballo e castiñeiro).
- Un seguimento de aptitudes, crecemento e conservación de variedades caducifolias de orixe galega.
- Un estudo de viabilidade técnica e de efecto ecolóxicos de plantacións arbóreas caducifolias realizadas baixo a protección, física e de sombra, de eucaliptos.

REFORGAL pretende unha innovación ecotecnolóxica nos métodos de reconversión de ecosistemas forestais, mellorando a calidade e rendibilidade económica da producción de madeira, reducindo o impacto ambiental das actividades de silvicultura e promovendo a restauración e conservación da diversidade biolóxica.

VV.AA. En: Guía multifuncional de Vincios. Comunidade de Montes Veniñais en Man Común de Vincios. Vigo: 2012. p.85 – 98

Acerca de cartografías sensibles

Cartografías Sensibles é un proxecto que aposta pola defensa e a posta en valor do patrimonio da parroquia de Vincios e da Serra do Galiñeiro.

Trátase dunha achega virtual a unha realidade territorial rica e complexa a través de mapas que nos fan descubrir historias, topónimos, muíños, covas, penedos, xacementos arqueolóxicos, lendas, músicas e tantos outros elementos que configuran a identidade deste lugar.

A Comunidade de Montes de Vincios leva anos promovendo a multifuncionalidade dun espazo vivo, con infinidade de posibilidades tanto productivas como ambientais ou de lecer. Unha contorna especial na que conviven os usos dos recursos naturais coa paixón pola natureza en todas as súas formas e actividades, así como coa conservación das tradicións, dos valores naturais e do patrimonio cultural.

Axenda de Eventos

No hay eventos programados.

View Calendar

Contacta con nós

O teu nome (requerido)

O teu email (requerido)

Asunto

Mensaxe

Acepto a Política de Privacidade