Planta de Compostaxe de Biomasa Forestal e de Xardinería

Uso protector do compost para o enriquecemento dos solos do monte para a conservación dos bosques e montes, evitando a erosión e desertización.

Na Comunidades de Montes de Vincios estase realizando unha proba piloto para a obtención de substratos orgánicos e a posible creación dunha Planta de Compostaxe de Biomasa Forestal e de Xardinería, que ten como fin o uso protector deste produto (compost) para o enriquecemento dos solos do monte coa finalidade de xerar substratos que permitan levar a cabo, entre outras labores, a conservación dos bosques e montes, mesmo a mellora das explotacións forestais da zona, mediante a restauración de áreas degradadas, evitando a erosión e desertización dos solos. A compostaxe de biomasa vexetal é unha solución técnica alternativa á destrución mediante queima, incineración ou abandono dos materiais e restos forestais, agrícolas e de xardinería ornamental, e pretende ser unha alternativa á proliferación da masa vexetal incontrolada nos montes e unha contribución á redución dos gases efecto invernadoiro, así como as medida preventivas de incendios. A principios do ano 2007 elabórase o Plan de traballo do proxecto Compostaxe: prevención e restauración que consiste na contribución á posta en marcha do proceso experimental para o deseño dunha Planta de compostaxe, tanto o proxecto experimental como o da planta están situados no termo da Comunidade de Montes de Vincios a través dun convenio coa Mancomunidade de Montes do Val Miñor, entidade promotora do proxecto.
Santos, Luz. O medio natural. En: Guía multifuncional de Vincios. Comunidade de Montes Veniñais en Man Común de Vincios. Vigo: 2012. p.97 – 98

Acerca de cartografías sensibles

Cartografías Sensibles é un proxecto que aposta pola defensa e a posta en valor do patrimonio da parroquia de Vincios e da Serra do Galiñeiro.

Trátase dunha achega virtual a unha realidade territorial rica e complexa a través de mapas que nos fan descubrir historias, topónimos, muíños, covas, penedos, xacementos arqueolóxicos, lendas, músicas e tantos outros elementos que configuran a identidade deste lugar.

A Comunidade de Montes de Vincios leva anos promovendo a multifuncionalidade dun espazo vivo, con infinidade de posibilidades tanto productivas como ambientais ou de lecer. Unha contorna especial na que conviven os usos dos recursos naturais coa paixón pola natureza en todas as súas formas e actividades, así como coa conservación das tradicións, dos valores naturais e do patrimonio cultural.

Axenda de Eventos

No hay eventos programados.

View Calendar

Contacta con nós

O teu nome (requerido)

O teu email (requerido)

Asunto

Mensaxe

Acepto a Política de Privacidade