Gravados rupestres d’ A Raís. Á dereita, cruciformes de cronoloxía moderna e, á esquerda, outros motivos máis antigos quizais prehistóricos.
Fonte: CEM

Petróglifo da Raís

Tres zonas de gravados rupestres no interior das cavidades da zona, dispostos na cara inclinada dun dos penedos que configuran o abrigo

Dispostos na cara inclinada dun dos penedos que configura o abrigo, atopamos tres zonas con gravados: unha superior á dereita, onde aparecen representadas 2 cruces e un cálice, que pola temática e polas características do suco non deben ser demasiado antigas. No mesmo lado pero nun nivel inferior proseguen os gravados, por debaixo do nivel actual do chan, cun suco distinto ó anterior, onde se aprecian liñas e outros motivos menos definidos. Cara a esquerda, a unha altura similar á dos cruciformes, atopamos un grupo de motivos pouco comúns dentro do Grupo Galaico da Arte Rupestre, xa que presenta razoables parecidos coa arte dos tempos finais do Neolítico e Calcolítico en cova, tanto na Meseta coma no norte de Portugal.

MÉNDAZ QUINTAS, Eduardo. Cavidades entre a idade de Bronce e o Paleolítico. En: Clube Espeleolóxico Maúxo. As covas de Vincios. Comunidade de Montes Veniñais en Man Común de Vincios. Vigo: 2005. p. 189-210

Acerca de cartografías sensibles

Cartografías Sensibles é un proxecto que aposta pola defensa e a posta en valor do patrimonio da parroquia de Vincios e da Serra do Galiñeiro.

Trátase dunha achega virtual a unha realidade territorial rica e complexa a través de mapas que nos fan descubrir historias, topónimos, muíños, covas, penedos, xacementos arqueolóxicos, lendas, músicas e tantos outros elementos que configuran a identidade deste lugar.

A Comunidade de Montes de Vincios leva anos promovendo a multifuncionalidade dun espazo vivo, con infinidade de posibilidades tanto productivas como ambientais ou de lecer. Unha contorna especial na que conviven os usos dos recursos naturais coa paixón pola natureza en todas as súas formas e actividades, así como coa conservación das tradicións, dos valores naturais e do patrimonio cultural.

Axenda de Eventos

No hay eventos programados.

View Calendar

Contacta con nós

O teu nome (requerido)

O teu email (requerido)

Asunto

Mensaxe

Acepto a Política de Privacidade