Sitúase enfronte á Igrexa parroquial de Santa Mariña de Vincios, á beira esquerda do camiño que une Hervillas e A Veiga,a carón do Centro Cultural, na parroquia de Vincios.
Construción de planta en forma de L irregular, realizada con muros de cachotería e encintado, con cuberta a dúas augas en tella plana e con limas en tella curva. Construción con dous andares con pequenos vans de forma rectangular nos seus paramentos.
Pechando o conxunto un muro de cachotería con acceso mediante un oco adintelado e coroado por unha cruz de sección rectangular, aparecendo no remate superior do muro almenas ós lados da cruz.

Catálogo de elementos a protexer ou recuperar. Concello de Gondomar. Ficha Nº 10.04-AR