cartografias_sensibles_vincios_gondomar_patrimonio_etnografia_capilla_santalucia

Capela de Santa Lucía

Templo onde se celebra a romaría dedicada Santa Lucía e as festas de Vincios polo verán.

Templo de planta en cruz latina, cunha soa nave e cruceiro, destacando en altura e dos planos de fachada. A planta aparece distorsionada polo volume da torre de campanario que ocupa o oco norte entre o brazo e a cabeza da cruz en planta.
Realizada con muros de sillería de grandes pezas, aparece recercado en zócalos e bordes de ocos, e tamén en pilastras e cantos de paramentos , pero nestes casos do recercado en vertical , aparece de forma dentada seguindo as trazas das agullas e os tranqueiros, a modo de dameiro.
A porta principal presenta un arco apuntado e recercado, enriba do cal se presenta un oco circular, rematando a fachada un tímpano recercado, enriba do cal pináculos nos seus extremos e unha cruz sobre peana no cumio do vértice. No lateral esquerdo da fachada érguese unha torre de sección cadrangular e tres corpos, un primeiro coa mesma ornamentación co recercado de dameiro da fachada da igrexa, o segundo de menor altura con vans semicirculares, e o terceiro coroado por pináculos nas esquinas con catro vans con arcos apuntados e balaustrada voada perimetral, cuberto por unha pirámide de cantería coroada cunha sinxela cruz no vértice.
O conxunto sitúase a carón dun camiño que une o lugar de Hervillás co C.I.P. Serra de Vincios, na parroquia de Vincios.

Catálogo de elementos a protexer ou recuperar. Concello de Gondomar

Acerca de cartografías sensibles

Cartografías Sensibles é un proxecto que aposta pola defensa e a posta en valor do patrimonio da parroquia de Vincios e da Serra do Galiñeiro.

Trátase dunha achega virtual a unha realidade territorial rica e complexa a través de mapas que nos fan descubrir historias, topónimos, muíños, covas, penedos, xacementos arqueolóxicos, lendas, músicas e tantos outros elementos que configuran a identidade deste lugar.

A Comunidade de Montes de Vincios leva anos promovendo a multifuncionalidade dun espazo vivo, con infinidade de posibilidades tanto productivas como ambientais ou de lecer. Unha contorna especial na que conviven os usos dos recursos naturais coa paixón pola natureza en todas as súas formas e actividades, así como coa conservación das tradicións, dos valores naturais e do patrimonio cultural.

Axenda de Eventos

No hay eventos programados.

View Calendar

Contacta con nós

O teu nome (requerido)

O teu email (requerido)

Asunto

Mensaxe

Acepto a Política de Privacidade